Nuştoxo Fransî Patrice Franceschî derheqê hêrîşanê vera Kobanê de qisey kerd û va HTŞ planê Erdoganî tetbîq keno û Tirkîya ganî NATO bêro eştiş.
Nuştoxê kitabê “Kobanê de Merdene”yî Patrice Franceschî derheqê hêrîşanê vera Kobanê û mintiqaya Sûrîye de qisey kerd. Ey va ke NATO de mendişê Tirkîya problemêko pîl o û ganî Tirkîya NATO ra bêro eştene.
Franceschî va HTŞ komelê îslamîstan o ke hetê Tirkîya û Qetarî ra yeno destegkerdene û goreyê planê Erdoganî hereket keno. Ey va ke HTŞ bi taybetî seba kurdan, xirîstîyanan û êzidîyan tehluke yo.
Nuştoxî derheqê Kobanê de zî qisey kerd û va ke Kobanê zaf muhîm o û eke Kobanê bikewo destê SMO û eskeranê tirkan, no do bibo peynîya azadî. Ey veng da Amerîka û Ewropa ke vernîya nê êrîşan bigîrê.
Franceschî peynî de va ke modelê Rojawanê Kurdîstanî seba Rojhelatê Mîyanênî muhîm o la dewletî tersê nê modelî ra vernîya ey gênê. Ey va ke seba pawitişê modelê Rojawanê Kurdîstanî û azadî ganî Ewropa kurdan reyde bo.
