Tornê şaîr Mursayê Silêmanî Îsmail Otekivilcim, Swed de ciwîyeno her serre yeno dewa kalikê xo kela ya ke girêdayê Dêrsimî ya û raya ey rameno û wina vano: “Kalikê mi şaîrê Dêrsimî yo hîna doman bîyo domur girewto destê xo kilamî vatê, dej û heşîrîye welatî ser o xeylê kilamê xo est ê.”
Îsmaîl Otekivilcim, weşîya xo Îsveç de rameno. Torne şaîrê Murse Silemanî yo. Dewa Kalikê xo Kela ya ke girêdayîye Dêrsimî ya. 2001 de bar kerdo şîyo Îsveç. Her serre şono dewa kalikê xo, kulture xo rê wayîr vejîyeno. Raya kalikê xo rameno, temburê Kalikê xo gêno deste xo, kilama kalikê xo vano. Îsmaîl Otekuvilcim derheqê Şaîr Mursayî Silemanî de ajansê ma rê qisey kerd.
‘Mursayê Silemanî Heşîrîya welatî kilamanê xo de ardê zon’
Îsmaîl Otekivilcîm, seba kalikê xo qisey keno û vano: “Mursayê Sîleman dewa Kela de weşîye xo ramita. Mursayî Silemanî kalikê mino. Şaîrêko pîlo, hîna ke doman bîyo, domur girewto deste xo, kilamî vatê. Dare sero, koyî sero, 1937-1938î ser xeylê kilamî nuştê û vatê. 1937 1938 dîyo, heşîrîye de xo xelesnayo. Wazeno ke sey Mursayî Sileman domure xo bîgiro û sey ey kilamane xo vajo. Kalikê mi, mi ra vat ke, mi ra tepîya kilamane mi rê, sanikanê mi rê wayîr vejîye. Seba naye, raya kalikê xo de şona. Heta nika kalikê mi sekerdo, çi viraşto, çi vato, çi nuşto perûne kitabe xo de ana têlewe. Seba kalikê xo kitap nusena. Nameyê xo Şaîrê Dêrsimî Mursayê Silêmanî yo. Zereyê nê Kitabî de do cuya ey bibo. 1937 û 1938 de çîyêke dîyî, kilam û sanikî girewtê qeyd kerdê.”
‘Kalike mi şaîrêko qedirgiran bî’
Îsmaîl Otekivilcîm, wayîr vejîyayîşê kulture xo ser o wina vat: “Kalikê mi merdimêko hewl bî, qiseykerdîşe xo rind bî. Qome ey ci ra heskerdêne. Domanîya xo de domur girewt deste xo, 1937 û 1938 ra tepîya çi bîyo aye ser kilamî vatî. Xeylê kilame xo estê, eşqî ser, heşîrîye ser, herde dewreşî ser o cinîto, vato. Zaf kilame xo vîndî bîyê. Êyê ke deste mi de estê tena ey xelesnayê. Ez hetêke ra wayîr vejîyena, heto bîn ra kilamanê ey vana. Pêro tarîxê ma yê, kulture ma yê û îtîqate ma yê. Înan heta nika arde, naye ra tepîya ma wayîr vejîme. Mi rê wina yeno ke, Sey Qajî ra tepîya Mursayê Sîlemanî yeno. Ey ra tepîya xeylê hunermendî ameyê kilamane ey vanê.”
