Festîvala Fîlmanê Kurdî ya Londonî ke bi fîlmî “Destdayîna Azadîyê” û merasîmê xelatdayîşî qedîyaye, Sirri Sureyya Onderî rê dîyarî ameye kerdene.
Festîvala Fîlmanê Kurdî ya Londonî (LKFF) ke emserr reya 14. ameye organîzekerdene, bi fîlmî “Destdayîna Azadîyê” û merasîmê xelatdayîşê qedîyaye. Festîval Endamê Heyetê Îmraliyî yê Partîya Têduştî û Demokrasîyî ya Şaran (DEM Partî) Sirri Sureyya Onderî rê dîyarî ameye kerdene.
Toren bi deqeyêk rêzgirewtişî yê seba Sirri Sureyya Onderî dest pêkerd.
Dîrektorê Festîvale Ferhan Stêrk vat: “Sirri Sureyya sembolê azadîye û aştî yo. Heme cuya xo fedayê têkoşînê demokrasî, aştî û azadîye kerd. Hetê têkoşînê şarê kurdî de vindert û seba heqanê înan xover da. Ma festîvala emserrî ya LKFF’yî sembolê aştîyî, hemrayê xo yê erjaye Sirri Sureyya Onderî rê dîyarî kenê.”
Filmê girewtişê yê berardişê Swêdî yê bi nameyê “Destdayîna Azadîyê” hetê derhêner Manal Masrî ra ame antene. Fîlm bi hedîseyanê wendekaranê kurdî Jenkîdar û Huseyîn ê ke xoverdayîşê Kobanî de ca girewtêne, vejîya vernî. Roportajê dimayê mojanyîşê fîlmî de reyna muhîmîya xoverdayîşê Kobanî ame dîyarkerdekerdene û sloganî “Jin, Jîyan,Azadî” salone de gulbang da.
