Serekê PDK’yî Mesud Barzanî û Temsîlkarê Taybet ê Sûrîye yê Amerîkayî Tom Barrackî seba taxanê Kurdan ê ke Heleb de bine hêrişê çeteyanê HTŞ’yî de rê pêvînayîşêk kerd.
Goreyê eşkerayîya ke hetê ofîsê Barzanî ra ameya kerdene 9ê Çeleya 2026an şanê êneyî de Serekê PDK’yî Mesud Barzanî û Temsîlkarê Taybet ê Sûrîye yê Amerîkayî Tom Barrackî seba taxanê Kurdan ê ke Heleb de bine hêrişê çeteyanê HTŞ’yî de rê pêvînayîşêk ame kerdene.
Pêvînayîş de rewşa herême û taybetî zî alozî û hêrîşo ke Helebê Sûrîye de vera taxanê kurdan yeno kerdene ser vinertî. A
Pêvînayîş de alozîyê Ake estê bêrê vindertene û rewşe vera normalîye berdene ser hewceyo ke tenê gamî bêrê eştene û seba naye zî catkerdiş lazim o.
Çeteyê ke girêdayîyê Hukmatê demkî yê Sûrîyeyê bi paştdayîşê dewleta Tirke çend rojîyo hêrîşê taxa Şêxmexsud, Eşrefîye û Benî Zêd kene û desan kesê sivîlî ameyî kiştene û sedan kesî zî bîyî birîndar.
No şan ra zî hêrişê çetayan vera Neweşxaneya Xalit Fecîr yê Şêxmeqsûdî bî û xeylî xebatkarê sivîlî ameyê kiştene. Reyna nêweşxane de xesaro pîl ame meydan. Nêweşxane de hema bi desan birîndar û nêweşî, qijî û extîyarî est ê. Rîyê hêrişanê giranan ra cuya xeylê sîvîlan ê birîndaran binê tehlukeyî de yo.
