Maya 79 serrî Nefîse Erkek seba ke esteyanê lajê xo Mîgdar Erkekî bivîna do muracatê ÎHD’yî bikera. Mîgday Erkek 1996î de Amed de, şer de şehîd bibi.
Mîgdat Erkek 1992î de tewrê PKK’yî bibi û 1996î de hîrêgoşeyê qezaya Licê û Pasûrî ya Amedî û Dara Hêni ya Çewlîgî de şer de şehîd bibi.
Keyeyê ey serra 2000î de bi rayîrê kitabêkî musa ke lajê înan şehîd bîyo. Kitab de yeno vatene ke cenazaya Erkekî Newala Şatosî de ya. La keye nêeşka xo biresno cenaza.
Goreyê cigêrayîşanê keyeyî Çemê Sarûmî de dewijan cenazeyê 5 gerîlayan dîyê û agahîye daya cendirmeyan. Şahîdan eşkera kerd ke cenazayî qeraxê çemêkê qijî de, nêzdîyê Qereqolê Uçdamlarî de bi hawayêko komkî ameyê definkerdene. Nê warî de qereqol est bi la nika dibistanêke est a.
Dayîke Nefîse vat: “Verî ke ez bimira ez wazena gorêkê lajê mi est bo. Wa herême bêra kendene. Wa esteyanê lajê mi bidê.”
Keyeyê Erkekî derheqê babete de do muracatê Komeleya Heqanê Merdiman (ÎHD) bikero.
