Kokumanê Dêrsim ra Fadîma Yeşîl, Çarçewaya Festîvala Kultur û Xoza ya Munzurî ya 24. de cayê xo zereyê qomê xo de gêna û wina vana: “Êdî aştî bêra, dirbetê ma weş bê.”
Çarçewaya Festîvala Kultur û Xoza ya Munzurî ya 24. de şarê Dêrsim ame têlewê. Perûne pîya kilamanê xo vanê, seba welatê xo, îtîqat û kulturê xo vengê xo kene yew. Şarê Dêrsimî wazeno ke reyna bêrê welatê xo, dewa xo; êdî heşîrîye nêwazenê, aştî wazenê. Festîvale de benê şên. Bi nê qeydeyî kokumanê ma, festîvale de cayê xo gênê, paştî danê qomê xo. Fadîma Yeşîl, kincê sûr û kewe kena pay, morek erzenê vile xo, porê xo de zerde girêdanê, zereyê qomê xo de cayê xo gênê. Fadîma Yeşîl, aştî û îtîqat ser o ma rê qisey kerd.
‘Aştî ma rê rindî ya’
Fadîma Yeşîl, aştî û îtîqat ser o wina vana: “Rayê ma Elî û Mehemmed o. Pîr û Rayberê ma est ê, jîyar û mezelê ma est ê. Ma çi heşîrîye dîme, dewa xora bîme, çewres serrî yo ke îşkence vînenîme. Wazenîme ke ma rê tepa domanê ma, rayê ma biramne. Çîye xirabî ra towa nîno, çike yeno rindîye nêyena. Ça rindîye wazenîme, îtîqatê ma raver şêro.”
‘Îtîqat û kulturê xo xo vîr ra mekerê’
Fadîma Yeşîl, peynîya qiseykerdîşî de wina vana: “Qomê ma vengê xo jû bikere, paştî bîdere jûmîn, kes raya xo de dûrmekuyo. Aştî wazenîme. Dewa ma bî xan xirave, pêrûne bar kerd şi. Nika vanîme ke, ma dî domanê ma mevînê. Jû raye de şerîme. Ma naye wazenîme.”
