Şaredarîya Amedî ya Şaristanê Girdî, seba kursanê ziwanî yê dewreyê payîzî muracatan qebul kena.
Seba pawitişê ziwananê dayîke û averşîyayîşê înan Amed de kursanê ziwanî yê ke ameyî akerdene, dewreyo newe dest pêkeno. Kursanê Şaredarîya Şaristanê Girdî yê dewreyê payîzî de lehçeyanê kurdkî – kurmancî, kirmanckî û soranî – û ziwanê armenîkî û suryanîkî zî ca gênê.
Kursê ke her 3 aşman de do bêrê organîzekerdene, 16 serrî ra corêr ê. Her sinife bi 25 kesan sînorkerde yo, 5 kesî zî sey cagir do bêrê qebulkerdene. Sewbîna, kesê ke kurdkî qisey kenê la wendene-nuştene nêzanê înan rê lehçeya kurmancî de atolyeyê wendene-nuştene yê taybetî do bêrê organîzekerdene.
Muracatî adresa www.dismek.org.tr ra eşkenê bêrê kerdene.
