PKK’yî dîyar kerd ke kadroyê pêşeng Alî Haydar Kaytan û Riza Altûn şîyê heqîya xo.
PKK’yî, îzahatê Kongreya 12. ke badê “Vengdayîşê Aştî û Komelê Demokratîkî” yê Rayberê Şarê Kurdî Abdullah Ocalanî ameya viraştene, aşkera kerd. Îzahatî de ame vatene ke Kongreya 12. 5-7ê Gulane de ameya kerdene û wina ame vatene: “Nê bingehî de Kongreya PKK’yî ya 12. seba ke pêrosesê pratîkbîyayîşî hetê Rêber APO’yî ra bêro ramitene û îdarekerdene qerarê feshkerdişê rêxistine ya PKK’yî û qedenayîşê mucadeleyê çekdarî girewtî û xebatê ke nameyê PKK’yî ser o ameyê ramitene, ameyo girewtene.”
Dîyarîye Kaytan û Altûnî
Peyê îzaatî de ame dîyarkerdene ke kadroyê pêşengî yê PKK’yî Alî Haydar Kaytan (Fûat) 3ê Temûza 2018î de û Riza Altûn zî 25ê Îlona 2019î de şîyê heqîya xo. Dewamê ci de wina ame vatene: “Nê bingehî de yewê kadroyê pêşengî û afirnayoxê PKK’yî rayhevalê Fûat-Alî Haydar Kaytan sey sembolê ‘Dilsozîya Rayberî, Heqîqet û Cuya Pîroze’; yewê rayhevalê destpêkî yê Rêber Apoyî rayheval Riza Altûn zî sey sembolê ‘Rayhevaltîya Azadîye’ qebul kerdo. Kongreya Partî ya 12. ya tarîxîye ma dîyarîyê her di şehîdan girdan kenê ke destpêkê Tevgerê ma yê Azadîye de ca girewto û bi mucadeleyê xo yê bêemsal seba ma pêşengî kerda.”
