Hemserekîya Konseya Rayberdişî ya KCK’yî kadroyanê serkêşan ê Têgêrayîşê Azadîye ra Alî Haydar Kaytan (Fuat) serrgêra 7ine ya şehadetê ci de yad kerd.
Hemserekîya Konseya Rayberdişî ya KCK’yî kadroyanê serkêşan ê Têgêrayîşê Azadîye ra Alî Haydar Kaytan (Fuat) serrgêra 7ine ya şehadetê ci de yad kerd.
KCK’yî wina vat:
“Kongreya 12ine ya PKK’yî de şehadetê embazanê ma Alî Haydar Kaytanî û Riza Altunî amebi îlankerdene. Embaz Fuat sey sembolê ‘perwerîya Rayberîye, cuya fîraze û raştîye’ û embaz Riza zî sey sembolê ‘embazîya azadîye’ ameybî pênasekerdene. Dima ke têgêrayîşê ma îlan kerd, şarê ma çar parçeyanê Kurdîstanî û teberê welatî de di embazê ma bi hûrmet, minet, heskerdiş û rêzî yad kerdî. 3yê temmuza 2018î serrgêra 7ine ya embaz Fuatî ya. Ma nê raywanê têkoşînê azadîye û şerwanê serkewteyî ancî bi hurmet û minetî yad kenê.
Bêguman şehadetê embaz Fuatî seba têgêrayîşê ma û şarê ma zaf giran bi. Estbîyayîşê ci seba têkoşînê ma çimeyê roşnvîrîye, rêxistinîye û ferasetêko pîl o. O sey merdimêkî, embazêkî, şorişgêrêkî resa asta tewr berze. O embazanê verênan ê Rayber Apoyî ra bi. Ey her hela xo bi têkoşînkerdiş, kede, xorinbîyayîş, perwerdekerdiş û serkêşîkerdişî derbaz kerde. O resa mana û famkerdişê Rayber Apoyî. Rayber Apoyî zî seba şehadetê ey vat ‘O embaz bi ke mi hîna zaf fam kerdêne.’
O hem wendekar hem zî perwerdekarêko pîl bi. Embaz Fuat raşta zî bi sembolêko pîl o raştikên. Ma venga şar û dostanê xo danê ke şehîdê ma embaz Fuatî serrgêra 7ine ya şehadetê ci de yad bikerê. Bi caardişê Sosyalîzmê Komelê Demokratîkî şexsê embaz Fuatî de ma do armancê azadîye yê şehîdan bîyarê ca.”
