‘Konferansê Seserra 2. de Ravurîyayîşê Demokratîk ê Komare’ bi beşdarbîyayîşê xeylî akademisyen, roşnvîr, rojnameger, sîyasetmedar û şexsîyetê namdarî dest pêkerd. Konferans do 2 rojî dewam bikero û xeylî babetanê demokratîkkerdişê komare ser o
munaqeşeyî bêrê kerdene.
Bi vengdayîşê xeylî sîyasetmedar, ronşvîr, rojnameger, hunermend û akademîsyenan, Salonê Merkezê Kulturî ê Cem Karaca ya Bakirkoyî ya Stenbolî de “Konferansê Seserra 2. de Ravurîyayîşê Demokratîk ê Komare” dest pêkerd. Konferanso ke do 2 rojî dewam bikero de bi beşdarbîyayîşê xeylî ronşvîr, rojnamegêr, akademîsyen, sîyasetmedar û şexsîyetê namdarî do xeylî babetan ser o qisey bikerê. Hemserekê Pêroyî ê DEM Partî Tulay Hatimogullari û Tuncer Bakirhan, Hemserekê Pêroyî ê DBP’yî Çigdem Kiliçgun û Keskin Bayindir, sîyasetmedarê kurdî Çetîn Arkaş û Veysî Aktaş zî mîyanê beşdaran de cayê xo girewt. Salonê Konferansî de xeylî ziwanan de pankartî, babetê konferansî ser o ameyê aleqnayene.
Sîyasetmedar Gulten Kişanak û Riza Turkmen do qiseykerdişê destpêkê ê konferasî bikerê. Dima ra Serekê PEN’ê Mîyanneteweyî nuştox Burhan Sonmez do zoomî ser o beşdar bibo û qiseykerdişêk bikero. Badê qiseykerdişî, do roniştişî dest pêbikerê.
Roja verên ê konferansî de do 3 roniştişî bêrê kerdiş û dima zî do bi beşê forumî ê roja yewinê konferansî biqedîyo.
Programê roniştişê konferansî wina yê:
Roniştişo yewin
“Hîkayeya awankerdişê komare , îmkan û kesê ke teber de ameyê verdiş”
Moderator: Levent Koker
* Erdogan Aydin (Gelo Komarêka Demokratîk mumkun a?)
* Hulya Osmanagaoglû (Komar: Şorişê burjuva, Têkoşînê Sinifan û Têgêrayîşê Femînîstî)
* Namik Kemal Dînç (Bêçaretîya Seserre: Mabenê ganîkerdiş û îmhakerdişî de kurd)
* Pakrat Estukyan (Fikirîyayîşê înşakerdişê ameyoxî)
Roniştişo dîyin
“Tenêtîya Seserre: Netewperestî, Vîr û Dihetîya Komelkî”
Moderator: Fatma Bostan Unsal
* Bekîr Agirdir (Gelo ma yewbînan nêeşnawi maeşkenê pîya bicuye?)
* Ferhat Kentel (Eynî ameyoxî de dinyayî cîya: Vîrê dihetîye û pêkerdiş)
* Noém Lévy-Aksu (Rîbirîmendişê ameyoxî: dîyalogê tarîxî û heşê komelî yo bîn)
* Serhun Al (Bi asîmîlasyonê entegrasyonî rê: Tirkîye de hemwelatîya yewbînîgirewtiş û cigêrayîşê nasnameya neteweyî)
Roniştişo hîreyîn
“Babeta Kurdî: Seserra newe ya babeta seserre”
Moderator: Dogû Ergîl
* Ali Bayramoglu (Meseleya Kurdî, dewro newe, hemsencîya newe)
* Abbas Walî (Meseleya Kurdî, ewleyîya dewlete û prosese demokratîkbîyayîşê sîyasî)
* Feyza Akinerdem (Dîyalogê newe yê meseleya Kurdî: Hîkayeyê cuya hempar senî awan bena?)
Mesut Yegen (Seba Çareserîyêka Raste: Seba Her Kesî Komar, Seba Her Kesî Demokrasî)
* Veysî Aktaş (Çareserîya Meseleya Kurdî de Entegrasyono Demokratîk û Awankerdişê Pîyaciwîyayîş)
Panel
“Komara Kamî, Ameyoxêko Senî?”
Moderator: Nuray Turkmen
* Îrfan Çagatay (Kenarê Komare de: Tecrubeya Lazan û Hemwelatîya Demokratîke)
* Alî Duran Topuz (Vera Hêvîya Demokratîke, Restorasyono Hegemonîk)
* Huda Kaya (Tarîxê Zulmî ra Ver bi Hîsê Kozmîkî: Komara Viraştoxe)
* Levent Ayaşlioglû (Welatê xo ra Koçkerdiş, Pîyaciwîyayîş: Koçberî û Sîyasetê Heqan)
* Îhsan Elîaçik (Peymana Medîne ra Ver bi Komara Demokratîke; Gelo Pîyaciwîyayîş Mumkin o?)
Konferans siba do roja dîyi dewam bikero
