Hemserekê Şaredarîya Dêrsimî Cevdet Konak va ke Înû vazene ke ma raê xo ravîrnîmê. Ma înû rind nas keme. Sevetene raştîyê xo îtare mê, qe kes raê ma ne virnero ra.
Festîvala Kultur û Xoza ya Mûnzûrî ke bîya nuqtaya pêvînayîşê xoza û kulturê adetî yê Dêrsimî, emser reya 23. beranê xo akerd. Festîvale bi sloganî, “Dêrsim Cuye ya; Dest Mede Xozaya Mi, Îradeyê Mi, Ziwanê Mi, Bawerîya Mi” domyeno. Festîval ra zaf hûmarî hunermend û welatijî beşdar bîyê.
Hemserekê Şaredarîya Dêrsimî Cevdet Konak zî derheqê averşîyayîşê festivale de ajansê ma rê qisey kerd.
Qiseyê Hemserekê Şaredarîya Cevdet Konakî wina yo:
“Çan asme kê ma caê xode nîme. Kîfate qayyûm qomê mare çîna. qayyûm tîrêno, qayyûm zorderîya, qayyûm îtîqatê ma nas ne kena, zon û nasê mare dûrû ya. Maê kare xodê kerd tever, karkerû kerd tever, ne vazene hûnermene ma zonê xo de kilamû vaze. Hûnermenû kerd tever. Welate ma dê bendû virazene, geme ma vesnene, talan û xirawe kene, wore kene thal. Sare ma sima ne vazeno, sare ma na festîvalde amey pesêr, vane ke qayyûm sono, ma vûnca yeme.”
