KOMAW’î, bi wesîleyê 4ê Nîsane rojbîyayîşê Rayberê Şarê Kurdî Abdullah Ocalanî eşkerayîyêk pare kerd û dîyar kerd ke nêzdîbîyayîşê ke bingeyê aştî û dîyalogî ser o yê wayîrê manayêko gird ê û nê prosesî sey fersendêko tarîxî pênase kerd.
Dezgehê Keyeyanê Şehîdan (KOMAW), nameyê keyeyanê şehîdan ser o eşkerayîyêk vila kerd, eşkerayîya xo de îfade kerd ke rojbîyayîşê Rayberê Şarê Kurdî Abdullah Ocalanî “bi hurmetêko gird û minetdarî” yeno pîroz kerdene.
Eşkerayî de ama dîyarkerdene ke nêzdîbîyayîşê bingehê aştî, diyalogî û wayûbirayîya şaran ser o a ke Rayberê Şarê Kurdî Abdullah Ocalanî bi serran o paweno, bi averşîyayîşo rojane de hîna zêde muhîm bîyê û prosesê aştî seba qedînayîşê dejanê şarî û seba çareserîya domdare fersendêko tarîxî yo.
KOMAW’î dîyar kerd ke ê paştî danê nê prosesî û wina dewam kerd: “Kikrê Rayber Apoyî seba heme şaranê Rojhelatê Mîyanênî hêvîya aştî, azadîye û cuyêka hempar a.”
