Hêrişê bi dronanê bombabarkerdeyan yê Kolombîya de 3 leşkerî ameyê kiştene û 4ê ci zî birîndar bîyê.
Çemê Nayayî yê sînorê şaristanê Buenaventura yê Kolombîya de vera keştîyêka artêşî, bi dronanê bombabarkerdeyan hêriş ame kerdene. Goreyê eşkerayîya artêşê Kolombîya, hêrişî de 2 leşker û efserêk ameyê kiştene û 4ê ci leşkerî zî birîndar bîyê. Eynê eşkerayî de ame vatene ke hêriş hetê EMC’yî ra ameyo kerdene ke baskêkê gerîlayanê FARC’î bi û peymana aştî ya serra 2016î qebul nêkerdbî.
Roja ke peymana aştî ameya mohrkerdene heta nika Kolombîya pêla şîdetî ya tewr pîle ciwîyena. Serekê Dewlete Gustavo Petro amanc keno ke şero ke zafêrê 60 serran dewam keno, biqedîno û bi grûbanê gerîlayan reyde mizakereyan keno. Labelê lîderê EMC’yî Ivan Mordisco pêvînayîşê ke serrêk domyayî, înan ra pey, êdî beşdarê mizakerayan nêbi.
Demanê peyênan de şuxulnayîşê dronanê bombabarkerdeyan zaf bîyo û no hêriş vernîya mergan akeno. Komîteyê Xaça Sore ya Mîyanneteweyî vana ke nê çekî zaf yenê şuxulnayene.
