Serrgêra kampanyaya mîyanneteweyî ya “Rayber Apo rê azadîye û Kurdîstanî rê statuya sîyasî” ya 3. de kurd û dostê kurdan ê Ewropayî bi rojan o rayîrşîyayîş û mitîngê 8ê teşrîna peyêne ke do Koln de bikerê, amadekarîyan kenê.
Şaristananê Munîh û Kolnî yê Almanya de kurd û dostê kurdan ê enternasyonalîstî seba rayîrşîyayîş û mitîngê Kolnî yê 8ê teşrîna peyêne vengdayîşê beşdarîye kerd. Meclîsê Şar ê Merkezê Komelê Kurd ê Demokrarîk ê Kolnî û ciwananê kurd, welatperwer û ciwanê Almanî yê Munîhî vengdayîş kerd. Temsîlkaran her di şaristanan de seba azadîya Rayberê Şarê Kurdî Abdullah Ocalanî û çareserkerdişê meseleyê kurdî, vengdayîşê “Ma Koln de bêrê têhet” kerd. Grube vengdayîşî ra pey wayîrê vengdayîşê Rayberê Şarê Kurdî Abdullah Ocalanî yê 27ê sibate yo “Aştî û Komelê Demokratîkî” vejîyayê û sloganê “Bijî Serok Apo” vat.
