Koordînasyonê KJK’yî hêrişê nîjadperestî û cinsîyetperestî yê vera sîyasetmedara kurd Leyla Zana şermezar kerd û vat: “Hêrişêkê vera rûmetê şarê ma û heme cinîyan o.”
Koordînasyonê Komelanê Cinîyan ê Kurdîstanî (KJK) keyepelê xo ser o eşkerayîyêk weşanayene. KJK’yî eşkerayîya xo de heqaret û tehdîdê vera sîyasetmedara kurd Leyla Zana şermezar kerdê.
Eşkerayîya KJK’yî wina ya:
“Mîyanê şert û mercan de ke tedbîr û nerazîbîyayîşêko ke qîm bikero nêyeno mojnayene, partîyê nîjadperestî zo rê qadêk peyda kenê. Rayberê şer û qirkerdişî eleyhdarîya xo ya prosesî, dişmentîya cinî û kurdan bi rengêko tehlukeyin rêxistin keno. Tewr peyên vera birêz Leyla Zana hêrişêko cinsîyetperestî ame mojnayene. Ma na dişmentîya cinî û şaran ser o şermezar kenê û qebul nêkenê. No hêrişêkê vera rûmetê şarê ma û pêroyê cinîyan o. Hêzê nîjadperest û faşîst ke xo sîyasetê dişmentî reyde weye kenê, bi hêrişê cinsîyetperestî yê vera Leyla Zana suc kerdo. Ma vengdanê rêxistinanê cinîyan û raya pêroyî ya demokratîke ke vera sabotaj û provakasyonanê ke dişmentîye awan kenê, helwêstê aştî û têkoşînê demokrasî yo hempar ê şaran aver berê. No têkoşîn ganî tena mojnayîşê helwêstêk nêbo, ganî bi têkoşînê qanûnî yo ke caardişanê huqûqî hêrişê cinsîyetperest-nîjadperest bêrê ferzkerdene, bi encam bibo.”
