Kitabê bi nameyê “Kurd Kiyam-i Mîllîsî” ke hetê Dr. Mehemed Malmîsanijî ra açarîyayo alfabeya Latînî, weşanxaneyê Vateyî de ame çapkerdene.
Kitabê bi nameyê “ Kurd Kiyam-i Mîllîsî” ke hetê Dr. Mehemed Malmîsanijî ra açarîyaye alfabeya Latînî, weşanxaneyê Vateyî de ame çapkerdene. No kitabek o ke aîdê Îhsan Nurî yo Bêdlîsijî yo û 1925î de Bexdadî de ameyo çapkerdene, sey çimeyanê muhîm ê tarîxê kurdan ra yew yeno hesibnayene.
Kitabî de beşê ke reya verêne behsê prosesê tirkkerdişê kurdan (tetrîk) kenê, est ê. Sewbîna, kitab de yeno dîyarkerdene ke nameyo raşt ê rêxistina Azadî, Komîteyê Îstîhlas û Îstîklal ê Kurdî yo. Berhem, behsê prosesê awanîya îdarî û leşkerî yê serra 1925î keno.
Weşanxaneyê Vateyî di hebî dokumanî, kîtab de vêşî kerdê: Di hebî hûmarê Rojnameyê Agirî (Agri Gazetesî) ke Dr. Mehemed Malmîsanijî açarnayî tîpanê Latînî û roportajê 1925î ke birayê Şêx Seîdî, Şêx Mehdî reyde ameyo kerdene, tede ameyê vêşkerdene. Nê dokumanî, tarîxê hereket û çapemenîya kurdî roşnî kenê.
Kitabo ke seserrî ra pey kê eşkenê xodestfînê, seba cîgêrayox û meraqdaran, çimeyêko muhîm o. Kitab Weşanxaneyê Vateyî ra eşkeno bêro peydakerdene.
