Kursîyerê kursanê Şaredarîya Amedî ya Şaristanê Girdî ke bi hawayêko serkewte banderê dîyalektanê kurmanckî, kirmanckî û sorankî ê kurdkî; suryankî û armenkî bîyî belgenameyê xo girewtê.
Şaredarîya Amedî ya Şaristanê Girdî demê ke yo mêmandarîya kursîyerê ke wazenê banderê ziwanî bibê, kena. Binê banê şaredarîye de goreyê waştişan dîyalektanê ziwanê kurdkî, suryankî û ermenkî de kursê ziwanî yenê dayîş. Kursîyerê nê kursan de banderê ziwanî benê.
Dersa armenkî a peyêne Kilîsê Surp Gîragosî ê armenîyan de ame dayiş û belgenameyî badê goştarîkerdişê muzîkî bi merasîmêk Keyeyê Vîrardişê ê Mîgîrdîç Margosyanî de ameyê dayene.
