Kênaya Sirri Sureyya Onderî Ceren Onder Kandemîr seba pîyê xo yo ke odeya pawitişê awarte de yo hesabê xo yê medyaya dîjîtale de parekerdişêk kerd û vat: “Çîyo ke ti tewr baş kenê bike û xover bide bawo.”
Kênaya Parlamenterê Partîya Teduştî û Demokrasîyî ya Şaran (DEM Partî) Sirri Sureyya Onder ke nika odeya pawitişî ya awarte de yebo tepiştene, Ceren Onder Kandemîr seba pîyê xo hesabê xo yê medyaya dijîtale de parekerdişêk kerd.
Parekerdişê Ceren Onder Kandemîr wina yo: “Çîyo ke ti tewr baş zanê bikî bike û xover bide bawo. Seba mi nêbo zî seba tornê xo. Çîyê ke ti do ey rê behs bikê, ez nêeşkena ey rê behs bika. Nêmeyê şewe mi rê mesaj bierşawe û vaje ‘Ma mavra bikerê?.’ Ti mi ra vêşêr pîyê zaf kesan ê, ti mecbûr ê ke xover bidê. Ê kesanê ke nenûgê to dejnayo, huyayîşê to zî zaf dîyo, ez do seba ke cuye ê kesan rê bikera cehenem, biciwîya. La ez sey to nêeşkena bikera. Xîret bike bawo. Ka to ewro Cano mektebî ra girewtêne? Pîyê mi duayan ra bawer keno, ey rê dua bikerê.”
