KCK’yî seba Newroze mesajêk pare kerd û venga şarê kurdî da ke biherikîyê waranê Newroze û azadîya fîzîkî ya Rayberê Şarê Kurdî Abdullah Ocalanî biwazê.
Hemserekîya Konseya Rayraberdişî ya KCK’yî bi wesîleyê Newroza 2026î mesajêk weşana û eşkerayîyê muhîmî dayî.
Mesajî de Newroza şarê kurdî û heme şarê herêmî ameye pîrozkerdene û îfade bî ke Newrozêka neweye, serrêka newe ya hêvîye pêşwazî kenê.
KCK’yî mesajê xo de Newroza Rayber Apoyî, embazanê zindanan, gerîlayan, dayîkanê haştîye û şarê Rojhelatê Mîyanênî pîroz kerd. Şexsê Kawayê Hemdemî Mazlum Dogan, Zekîye Alkan û Rahşan Demîrele de heme şehîdê Newroze bi rêz û sipasî yad kerdî.
KCK’yî mesajê xo de îfade kerd ke Rayber Apoyî 27ê sibate de Vengdayîşê Haştîye û Komelê Demokratîkî kerd û bi nê hewayî waşt ke Rojhelatê Mîyanênî de Dehaqî û şerî biqedîyê. Îfade bî ke neçareserîya meseleya kurdî şexsê welatanê herême de Rojhelatê Mîyanênî bi temamî rehîn girewto.
KCK’yî veng da ke şarê kurdî Newroza 2026î her ca sey “Newroza azadîya Rayber Apoyî û yewîya demokratîkê ya kurdî” pîroz bikerê û seba yewîye û demokrasîye biherikîyo waranê Newroze. Mesajî de wina ame vatene: “Azadîya Rayber Apoyî û komelê demokratîkî heta ke bêro caardene, têkoşîn dewam keno.”
KCK’yî mesajê xo bi nê vengdayîşî qedêna: “Seba azadîya fîzîkî ya Rayber Apoyî, seba averberdişê projeya komelê demokratîkî û xurtkerdişê yewîya demokratîkê ya kurdî ma her cayanê warê Newroze pirr kenê! Ma azadîya Rayber Apoyî biwazê û beranê Îmraliyî akerê.”
