Japonya de semêde vewra zafe 2 hewteyê vîryartê de 30 kesî cuya xo vîndî kerd
Goreyê ajansê Rayberîya Şewate û Bobelatî yê Japonyayî semedê varayîşê vewra zafe ya 2 hewteyê peyênî, 30 kesî merdê. Mîyanê merdeyan de cinîyêka 91 serrî zî est a ke herêma Ajigasawa ya şaristanê Aomorî de binê loda vewre ya 3 metreyî berze de ameya vînayene. Goreyê polîsan wexto ke banî ra vewre war kerdene kewta û merda.
Aomorî de qalindîya vewre resaya 4.5 metreyî. Nê semedî ra hukmatî seba paştîdayîşê welatijan hêzê xo vila kerdo. Serekwezîrê Japonyayî Sanae Takaichi kombîyayîşêk awarte yê kabîne viraşt û waşt tedbîrê bilez bêrê girewtene. Serekwezîrî, walîyê Aomorî ra waşt ke seba wedarnayîşê vewre û hetkarîdayîşê destekê arteşê bigîro.
