Cenazaya kayker û senarîst Murat Çîçekî yo ke Japonya de wextê destbendkerdişî de bi hawayêko guman cuya xo ra bibi, seba definkerdişî ard Tirkîya.
Kayker Murat Çîçek o ke Japonya de sey karker ciwîyayêne, dimayê qezaya ke 25ê hezîrane de kerde, bi îdaaya “îhlalkerdîşê Qanûnê Kontrolê Koçberîye” ame destbendkerdiş. Murat Çîçek, qereqolê Takao yê girêdayîyê şaristanê Hachiojî yê Japonya de bi hawayêko guman cuya xo ra bi.
Cenazaya Murat Çîçekî yo ke 2yê temmuze de serê sibayî qereqol de bi hawayêko guman dinyaya xo bedilnaye, badê 5 rojan seba keyeyê ey xebere ameye erşawitiş. Keyeyê ey o ke dimayê hedîse şi Japonya, cenaza teslîm girewt.
Keyeyê Murat Çîçekî cenaza ard Stenbol. Yeno pawitiş ke keyeyê ey ewro cenaza bero Wan.
Ame zanayene ke cenazaya Murat Çîçekî do Goristanê Taxa Newe yê Colemêrgî de bêro definfkerdiş.
