Cenazaya senarîst û sînemakar Murat Çîçekî yo ke Japonya de wextê destbendkerdişî de bi hawayêko guman cuya xo ra bîbî, ATK’yî yê Wanî de paweyê otopsîye yo.
Senarîst û sînemakar Murat Çîçek 25ê hezîrane de Japonya de wextê destbendkerdişî de bi hawayêko biguman cuya xo ra bîbî. Cenazaya Murat Çîçekî vizêrî ardê Stenbol û şande zî resa Wan. Dima ra seba otopsîye berdê Sazgehê Tibê Edlî (ATK) yê Wanî. Ame zanayîş ke otopsîya cenaza hema nêameyo kerdiş û ama eşkerakerdene ke semedê cemidnayena cenaza, otopsî erey kewt û yeno pawitene ke badê helbîyayîşê do otopsî bêro kerdene.
Keyeyê Murat Çîçekî hema zî derheqê hadîseye de tu agahî nêdayê û yeno pawitene ke badê temernayîşî cenaza raya pêroyî reyde tayê agahî bêrê vilakerdene.
