Înîsîyatîfê Abdullah Ocalanî rê Azadî yê Îraqî bi eşkerayîyêk dîyar kerd ke ê paştî danê kampanyaya “Ez wazena Abdullah Ocalanî bivîna.”
Înîsîyatîfê Abdullah Ocalanî rê Azadî yê Îraqî bi eşkerayîyêk paştî daye kampanyaya “Ez wazena Abdullah Ocalanî bivîna” ke hetê Forumê Azadî û Aştî ya Ewropayî ra ameya destpêkerdene. Înîsîyatîfî eşkerayî de dîyar kerd je vengdayîşê. “Aştî û Komelo Demokratîk” ê Rayberê Şarê Kurdî Abdullah Ocalanî yê 27ê sibate yeno manayê azadî û komelo demokratîk. Înîsîyatîfî vat: “No mojneno ke karê sîyasî tena milkê komel, netewe, partî yan zî îdeolojîyêk nîyê. Amanc û rêbazêkê yê demokratîk, azadî û aştî yo.”
Dewamî de înîsîyatîfî dîyar kerd ke Abdullah Ocalan seba çarserkerdişê problemanê şaran û komelan û seba awnkerdişê komelêko demokratîk xebitîyeno. Înîsîyatîfî dewamî de bale ant nêzdîbîyayîşî Tirkîya ser o û dîyar kerd ke Tirkîya wazena hem çî bi zîhnîyetêko leşkerî yê Osmanî çareser bikera. Înîsîyatîfî vat: “Ganî Tirkîya nê kerdişanê wêrankerdişî ra fek verada û goş bida Rayber Apoyî.”
Înîsîyatîfî bale ant kampanya ser o û wina qedêna: “Ma paştî danî heme xebatanê aştî û zor danê Tirkîya ke goreyê peymananê mîyanneteweyî şêra û Rayber Abdullah Ocalanî azad bikera. Ma paştîya xo seba kampanyaya ‘Ez wazena Abdullah Ocalanî bivîna’ eşkera kenê. Ma wazenê îfade bikerî ke Înîsîyatîfê Seba Abdullah Ocalanî Azadî yê Îraqî têkoşînê pîlêrî ra beşêk o û Forumê Azadî û Aştî yê Ewropa reyde hemkarî yo. No hewldayîşo pîl ê merdimîye nasnameyê komelêko şaristanî yê seba azadîya Ocalanî yê Hepisxaneyê Îmrali û destpêkerdişê raywanîyêka newa seba awankerdişê komelo demokratîk o.”
