Îdareyê Têgêrayîşî vat: “Notê pêvînayîşî yê sexteyî ke medayaya dîjîtale de ameyî parekerdene, hetê hêzan ra yê ke vera Rayber Apo û Têgêrayîşê Azadîye yê, ameyî hazirkerdene. Nê semedî ra ganî ci rê bawerî nêro kerdene.”
Eşkerayîya Îdareyê Têgêrayîşî wina ya:
“Pêvînayîşê ke yeno îdîakerdene ke tarîxanê cîya cîyayan de Îmrali de ameyî kerdene, medyaya dîjîtale de ameyî parekerdene. Nê nuşteyan de yê ke ameyî weşanayene, zaf zur û îfadeyê sexteyî est ê. No zî mojneno ke nê bi zanayîşî û waştişî ameyî hazirkerdene.
Manîdar û baldar o ke nê note pêvînayîşî yê sexteyî ver û peyê qanûnî de yo ke 10ê tebaxe de vejîya, medyaya dîjjîtale de ameyî parekerdene. Hetê ke vera haştîye û komelê demokratîkî yê, nê rojan de ke qanûno ke 10 tebaxe de meclîsî ra vîyart, yeno munaqeşekerdene, her qey de rayîr û metodê leyminî şuxulnayî. Coka yeno famkerdene ke nê nuşteyî bi zanayîş û waştişî ameyî hazirkerdene medyaya dîjîtale de ameyî parekerdene. No vera Prosesê Haştîye û Komelî Demokraîtkî provokasyonêko plankerde yo.
Pêvînayîşê ke Îmrali de Rayber Apoyî reyde benê hetê heyetê DEM Partî ra çapemenî û şarî reyde yenê parekerdene. Nê hetî ra ganî qet zanayîş û erjnayîşî rê ke hetê heyetê DEM Partî ra nêameyo parekerdene û teyîtkerdene, nêro bawerkerdene. Xora DEM Partî zî derheqê nê pêvînayîşan de ke yeno îdîakerdene ke ameyî kerdene, eşkerayîye daye.
Ganî şarê ma û rayapêroyîya demokratîke zanayîşê derheqê Têgêrayîşê Azadîye eşkerayîye û erjnayîşanê Îdareyê Têgêrayîşê ma ra bimûso. Heme zanayîş eşkerayîye ke hetê têgêrayîşê ma ra nêameyî dayene, ganî înan rê şikdar bêro nizdîbîyayene. Erjnayîşê ke têgêrayîşê ma dano tim çimeyanê ci eşkera vano. Notê pêvînayîşî yê sexteyî ke medayaya dîjîtale de ameyî parekerdene, hetê hêzan ra yê ke vera Rayber Apo û Têgêrayîşê Azadîye yê, ameyî hazirkerdene. Nê semedî ra ganî ci rê bawerî nêro kerdene.”
