Heyetêkê hunermendanê Vakur, Rojhelat û Başûrê Kurdîstanî Silêmanî de ameyê têhet. Yeno zanayene ke heyetê hunermendan seba piştgirîya Rojava do vîyaro Rojava.
Hetêkî ra çeteyî hêrişanê qirkerdişî vera Rojavayê Kurdîstanî dewam kenê û hetêkî ra zî xoverdayîş û piştgirîya seba Rojava hîrayêr bena. Senî ke şarê Kurdîstanî bi rojan o çar hetanê dinya de lingan ser o yo, hunermendî kurdî zî seba Rojava mîyanê seferberî de yê.
Hunermendê kurdî; Hozan Dîyar, Hozan Şemdîn û Jala Rojhilat ewro seba ke pştgirîya Rojava bikerê Almanya ra şîyê Silêmanî. Heyetê hunermendan do Silêmanî de hetê hunermend Necmeddîn Xulamî, Nasir Rezzazî û Bilind Brahîm ra bêrê pêşwazîkerdene.
Dima do heyetê hunermendan Silêmanî de Serekê Yewîya Niştîmanî Kurdîstan (YNK) Bafil Celal Talabanî, rayedarê Başûr û Wezaretê Rewşenbîrî reyde rêzepêvînayîşan bikerê.
Heyetê hunermendan şono Rojava
Yeno zanayene ke siba heyeto ke hunermend Diyar Dêrsimî, Şemdîn, Jala, Nasir Rezazî, Bilind Brahîm û xeylê hunermendanê bînan ra yeno pê, vîyareno Rojavayê Kurdîstanî bibê û bi sazgeh û dezgehanê kultur û hunerî û sîyasetmedaran reyde pêvînayîş bikerê.
