Ame eşkerakerdene ke ewro serê sibayî 4 dronî herêmanê Hewlêrî de kewtî.
Ame dîyarkerdene ke serê sibayî 4 dronê ke nêameyê zanayene ke yê kamcîn hêzan ê, kewtê herêmanê Soran, Xelîfan û Benî Herîr ê Hewlêrî. Ame zanayene ke badê kewtişê dronan vengêko berz ê teqayîşî ameyo û dima ra zî şewat vejîyayo. Ame vatene ke dronêk ginaya keyeyêk ro û tu kesî nê teqayîşî de zerar nêdîyo. Derheqê zerarê madî de zî tu agahî nêameyê parekerdene.
