Sere sibayî bi hîrê dronan hêrişê şaristanê Hewlêrî ame kerdene la hêriş bi sîstemê pawitişî hewayî ame bêtesîr kerdene.
Goreyê dîmen û agahîyê ke herême ra ameye vilakerdene serê sibayî vengê hinî dronan asmênê Ranya de ame hesnayene ke hetê Îranî ra ver bi Hewlêrî ameyê raçarnayene.
Badê saete ke vengê teqayîşanê girdan Hewlêr de ameyê hesnayene. Goreyê agahîyan herême ra hîrê dronî hetê sîstemê pawitişê hewayî yê Kaolîsyonî ra ameye vistene. Dronî cayê roniştişî de kewtê la tu zîyanê can û madî nêbîyo.
Hewceyê vatişî yo ke vizêrî rejîmê Îranî bi 4 dronan hêrişê sînorê şaristanê Hewlêrî kerd bî. Di rojî ver zî hêrişê serê kampê Partîya Komala Zehmetkêşanê Kurdîstanî yê Dola Alane amebî kerdene û netîceyê hêrişî de 3 pêşmergeyî birîndar bîbî.
Goreyê bîlançoya destpêkê şerê Îran û Amerîka- Îsraîlî de aşma sibate ra heta nika, nêzdîyê hezar hêrişanê drone û fuzeyan serê Başûrê Kurdîstanî de ameyê kerdene û netîce de zedeyî 150 kesî cuya xo vîndî kerda û birîndar bîyî.
