Badê hêrişanê Îranî yê serê Îsraîlî, hewarayîrê Îraq û Başûrê Kurdistanî seba 72 saetan seferanê teyaran rê ame girewtene.
Otorîteyê Hewakariya Sîvîle ya Îraqî beyan kerd ke vera hêrişanê Îranî yê serê Îsraîlî hewarayîrêIraqî 72 saetan rê seferan rê ameyo girewtene û ame vatene ke hewarayîrê Başûrê Kurdistanî zî daxilê nê qerarî yo.
Eşkerayîya Otorîteyê Hewakariya Sîvîle ya Îraqî de ame dîyarkerdene ke no qerar seba pawitişê emnîyetê ganê raywanan û vernîgirewtişê yew rewşa negatîfe ameyo girewtene. Hetê bînî ra Midûrê Teyaragehê Neteweyî yê Hewlêrî Ehmed Hoşyarî da zanayene ke heme seferê ke teyarageh ra virazîyenê, bi şeklê demkî ameyê vindarnayene.
Îranî zî hewarayîrê xo girewt
Reyna goreyê xeberanê Ajansê Xeberan yê Tasnîmî, rayedaranê Îranî zî raywanîya serê Îranî ra sînordar kerd û ame eşkerakerdene ke badê erjnayîşê emnîyetî “Seferê hewayî yê ke hetê rojawayê welatî ra virazîyenê heta eşkerayîyêka bîne ameyê vindarnayene.”
