Hêrişanê Rûsya yê bi drone, fuze û bombordumanê hewayî de tewr tay 9 kesî Ukrayna de cuya xo ra bî û zêdeyî 25 kesî zî birîndar bîyî.
Ukrayna de şewa vizêrî hêrişanê Rûsya ver tewr tay 9 kesî merdî. Goreyê rayedaranê Ukrayna ra bîlançoyê tewr giranî şaristanê Zaporijjia de bîyî.
Ame eşkera kerdene ke hêrişê fuzeyan û bombardumanê hewayî de Zaporijia de 6 kesî merdî, 19 kesî zî birîndar bîyî.
Ame zanayene ke Artêşa Rûsya bi drone û topan hêriş berdo serê panc qezayanê Dinpropetrovksê. Hêrişan de 3 kesî merdê înan ra yew zî gedeyêk 15 serre bî
Paytextê Ukrayna Kîev de zî nêmeyê şewe vengê teqayîşan ameyo hesnayene. Adir bi depoyêke kewt û hêriş de kesê ke birîndar bî.
Badê nê hêrişan Serekdewlet ê Ukrayna Volodimir Zelenskî îdîa kerdbî ke Rûsya hazirî kena ke hîna zêde leşkeranê Koreya Vakur welatê înan de bi ca bikero û fuzeyanê balîstîk ê neweyan ke Pyongyang ra girewtê.
