Hemserekanê Pêroyî yê DEM Partî Tulaye Hatimogullari û Tuncer Bakirhanî ke Konferansê Aştîye û Komelê Demokatîkî yê Mîyanneteweyî de qiseykerdişê akerdişî kerd, va: ”Ganî ma hîna zaf têkoşîn bidê.”
Hemserekanê Pêroyî yê DEM Partî Tulaye Hatimogullari û Tuncer Bakirhanî Konferansê Aştîye û Komelê Demokatîkî yê Mîyanneteweyî yo ke Bakirkoyê Stenbolî de yeno kerdene, qiseykerdişê akerdişî kerd.
Tulaye Hatimogullari ard ziwan ke aştîye bi têkoşînî bena û vat ganî paştî bidîyo sîstemê demokratîkî yê Rojawanî. Hatimogullari îfade kerd ke vengdayîşê Aştîye û Komelê Demokratîkî yê Rayberê Şarê Kurdî Abdullah Ocalan semedê herême muhîm o va; ganî cinî prosesê aştîye de rolê aktîfî bîgirê.
Tuncer Bakirhanî zî bale ante krîzanê Tirkîya û Rojhelatê Mîyanênî ser gala têkoşînê heqî yê kurdan û muhîmîya demokratîkbîyayîşê dewlete kerd. Bakirhanî ard ziwan ke paradîgamaya çareserîye ya Rayberê Şarê Kurdî Abdullah Ocalan serê komelê demokratîkî, aştîye û entegrasyonê demokratîkî de ameye ronayene û va çareserî netewa demokratîk a.
