Hemşaredarê Şaredarîya Amedî ya Şaristanê Girdî Serra Bucak û Dogan Hatun, Parka Keyeyê Tenûre ya qezaya Baglarî de çadirê fitarî de şarî reyde rojeyê xo akerd.
Şaredarîya Şaristanê Girdî Berê Koyî, Nêweşxaneyê Perwerde û Cigêrayîşî yê Gazî Yaşargilî (Wasitaya Mobîle), Parka Ben û Senî ya qezaya Yenîşehîrî û Parka Keyeyê Tenûre ya qezaya Baglarî de çadirê fitarî akerdî û roje 6 hezar 500 kesan rê xizmet dana. Hemşaredarê Şaredarîya Amedî ya Şaristanê Girdî Serra Bucak û Dogan Hatun, Hemşaredarê Şaredarîya Baglarî Leyla Ayaz û Siraç Çelik, Hemserekê Şaristanî yê Amedî yê Partîya Seypêyî û Demokrasîya Şaran (DEM Partî) Gulşen Ozer û Abbas Şahîn reyde qezaya Baglarî de, Parka Keyeyê Tenûre de çadirê fitarî de şarî reyde ameyî têhet.
Hemşaredaran şarî reyde rojeyê xo akerd û hêvî kerd ke aşma Remazanî biba wesîleyê aştî. Hemşaredaran ke eleqeyêko pîl dî, waştiş û pêşnîyazê welatîyan goşdarî kerdî.
Zîyaretê çadirê fitarî de Hemşaredaran reyde Sekreterê Pêroyî Emrullah Gorduk, Hetkara Sekreterê Pêroyî Zerîn Turk û endamê meclîsî zî beşdar bîyî.
