Platformê Sazgehanê Demokratîk a Şirnexî derheqê hêrişanê vera taxanê Şexmeqsûd, Eşrefîye û Benî Zêdî eşkerayî daye. Newroz Uysal Aslan eşkerayî de qisey kerd û dîyar kerd ke çîyo ke taxanê Helebî de yeno kerdene, sucê merdimîye yo û vat: “Ma zanê ke gişta dewleta tirke nê hêrîşan de est a. Heleb de hêriş vakurê Kurdîstanî de aştî nêbena.”
Bi pêşengîya Platformê Sazgehanê Demokratîk, derheqê hêrişanê taxanê Şêxmeqsûd, Eşrefîye û Benî Zêdî yê Helebî awanîya DEM Partî ya Cizîrî de eşkerayî ameye dayene. Parlamaenetera DEM Partî ya Şirnexî Newroz Uysal Aslan, endam û rayberê partîyanê sîyasî û sazgehê komelkî yê demokratîkî û bi seyan welatjî beşdarê eşkerayî bîyê. Eşkerayî de beşdaran bi yew vengî sloganê, “Bijî berxwedana Rojava” , “Rojava Rûmeta me ye” û “Rojava Rojhilat Kurdistan e yek welat” vatê.
Hemserekê DEM Partî yê Şirnexî Ramazan Uysalî eşkerayî de vengda kurd û şaranê herême ke seba vindarnayîşê hêrişan vengê xo vejê û vera hêrişan reaksîyon bimojnê.
‘Ganî nê hêrişî bilez vinderê’
Parlamaenetera DEM Partî ya Şirnexî Newroz Uysal Aslan zî vera hêrişanê taxanê Şexmeqsûd, Eşrefîye û Benî Zêdî reaksîyon mojna û wina vat: “Şarê ma yê nê taxan 12 serrî yo hemverê heme hêzanê çetewarî xover dano û sîstemêko demokratîk awan kerdo. Ma tîya ra vanê nê hêrişî planêk bibê, pêkerdişêko çeteyan û tay dewletan bo, çi beno wa bibo, çîyo ke yeno kerdene sucê merdimîye yo. Çîyo ke Heleb de qewimîyeno hemverê heme şaranê Sûrîye yo. Kesê ke Heleb de xover danê ma înan reyde yê. Ma zanê ke gişta dewleta tirke nê hêrişan de est a. Heleb de hêriş, vakurê Kurdîstanî de aştî nêbena. Ma reyna vanê şarê kurdî do serkewo û ganî hêrişî bilez vinderê.”
Eşkerayî bi vatişê sloganî, “Bijî berxwedana Rojava” qedîyaye.
