Merkezê Resnayîşî yê HSD’yî dîyar kerd ke ewro grûbê girêdayeyê hêzanê hukmatê demkî yê Sûrîya, dewa Îmam a Dêr Hafirî de hêrişê 4 nuqtayanê HSD’yî kerd.
Merkezê Resnayîşî yê Hêzanê Sûrîya Demokratîke (HSD) bi eşkerayîyêk dîyar kerd ke ewro grûbê girêdayeyê hukmatê demkî hêrişê nuqtayanê înan kerdo û da zanayene ke înan zî cewabê hêrişan dayo.
Merkezî eşkerayîya xo e nê agahîyî pare kerdî:
“Erwo saete 03:00î de grûbê girêdayeyê hêzanê hukmatê demkî yê Sûrîya vera 4 nuqtayanê hêzanê ma dewa Îmam a girêdayeyê herêma Dêr Hafirî hêriş kerd. Hêzanê ma çarçewaya pawitişê nuqta û şervananê xo de cewab da hêrişan. Encam de pirodayîşêko 20 deqîqeyan dewam kerd.
Ma dîyar kenê ke nê hêrişî winasînî tekrarî kaosêko plankerde yê û îstîqrarê herême tehdît kenê. Hukmatê Şamî berpirsîyarî nê hedîseyî ya. Ma reyna dîyar kenê ke hêzê ma heme wextî ra zafêr amade yê ke bi heme hêzê xo heqê xo yê cewabdayîşo rewa bişuxulnê.”
