Goreyê daneyanê aşma adare yê TUÎK’î bêkarî kêm bîya.
Sazgeha Îstatîstîkî ya Tirkîya (TUÎK) daneyê bêkarîye yê aşma adare eşkera kerdê. Goreyê TUÎK’î goreyê aşmêk ra ver aşma adare de bêkarî 0.3 puan kêm bîya û bîya 7.9. Reyna ame dîyarkerdene ke nisbetê bêkaran 65 hezar kesî kêm bîya û bîya 2 mîlyon û 807 hezar kes.
TUÎK’î daneyanê xo de nisbetê bêkarîye yê goreyê zayendan zî eşkera kerd. Goreyê daneyan; bêkarî mîyanê camêrdan de se ra 6.5 û mîyanê cinîyan de zî se ra 10.6 a. Reyna nisbetê ciwananê bêkaran (Kesê ke emrê înan mabênê 15-24î de yo) goreyê aşmêk ra ver 0.1 puan vêşî bîya û vejîya se ra 15.1. Nisbetê bêkarî ya camêrdan nê emrî de se ra 11 û yê cinîyan zî se ra 22.6 ame hesabkerdene.
