TUÎKî eşkera kerd ke enflasyonê aşma temmuze se ra 1.8, enflasyonê serrane zî se ra 31.75 zêde bîyo. Goreyê ENAG’î ke akademîsyenanê bêteref ra yena pê, enflasyonê aşma temmuze se ra 3.07, yê serrane zî se ra 50.49 zêde bîyî.
Semedê polîtîkayanê ekonomî yê şaş û alozîyê sîyasî no demêko derg o ke enflasyon zêde beno û qîymetê pereyî çiqas şino keweno. Sazgehê Îstatîstîkî ya Tirkîya (TUÎK) ke bi giranî doneyan goreyê rastîya ekonomî amade nêkeno, enflasyonê aşma temmuze sey se ra 1.78 eşkera kerd. TUÎKî da zanayene ke enflasyon goreyê serra vîyarte se ra 31.75 zêdê bîyo. Grûba Cigêrayîşê Enflasyonî (ENAG) ke akademîsyenanê bêteref ra yena pê zî dîyar kerd ke enflasyonê aşma temmuze % 3.07 û ya serrane zî % 50.49 zêde bîyo.
