Tehlîyeya girewteyê nêweşê giranî Nedîm Yilmazî reya hewtine ameye astengkerdene û nê semedî rewşa ey bena giranêr.
Girewteyo nêweş Nedîm Yilmaz 32 serran ra nata hepisxane de yo. Yilmazo ke Hepisxaneyê Boluyî de girewte yo, tede nêweşîyê gastrît, ulser, faranjît, bronşît û enfeksîyonê roqileyan est ê.
Goreyê daneyanê Komela Heqanê Merdiman hepisxaneyan de 335ê ci nêweşê giranî 412 girewteyê nêweşî est ê.
Heyetê Îdareyî û Çimdarîye yê Hepisxaneyî rixmê nêweşîyanê ci zî 7 reyî tehlîyeya Nedîm Yilmazî taloq kerde. Yilmaz ganî 25ê temmuza 2023î de biameyêne veradayene.
Parlamentera DEM Partî Newroz Uysal Aslan rewşa Yilmazî arde rojevê Meclîsî. Newroz pare kerd ke a şîya Hepisxaneyê Boluyî selahîyetdaranê hepisxaneyê aye rê vato ke “Ma nê qeydeyî seba ke girewteyî nêvejîyê teber ardî.”
Newroze da zanayene ke girewteyê sîyasîyî qestî ra nêvejenê Heyetê Îdareyî û Çimdarîye ver.
