Sarê Dêrsim seveta Gaxan ser zereyê sûkeye de ame peser. Perûne pîya dûkane Memedo Derg de çila vesnay û loqme vila kerd. Rindîyê Memedo Derg ser qisey kerd û mînete kerd. Tepa, kal Gaxan viraşt, zereyê sûkeye de davûl û zûrna cînît, şî esnafû da bare xo gûret. Cayê Seyîd Rizayî de, çila vesna, Qadîr Bulut homete ra mînet kerd. Tepa, nîyaz vila kerd, govend kayker.
‘Asme newe aştîyê bî yaro’
Na asme Gaxan ya, zereyê sûkeye yê Dêrsimî de, qomê Dêrsîmî yenê peser, kal Gaxan virazenê, nîyaz pozenê, mînete kenê. Seveta nînû ra, Velî Yildiz poşt dano qomê xo, aştîya û rindîyê ser qisey keno û hîn va: “Xizir welatê ma rê rindîyê bîyaro.”
‘Rindîyê Rindîyê ser be ro’
Velî Yildiz o, weşîya xo dewa Xarşîyê de ramneno. Îtîqat û kulturê Dêrsimî ser xeylê poşt dano. Seveta Gaxan ser ajansê ma rê qisey kerd.
Velî Yildiz, yeno verê Seyîd Rizayî û sare xo ra hîn vano: “Na asma Gaxanî ya, zereyê sûkeye yê Dêrsimî de, qomê Dêrsîmî yenê peser, kal Gaxan virazenê, nîyaz pozenê, mînete kenê. Na asme Gaxanî ya, serre kan sona, serre newe yena. Ma aştîyê wazîme. Kes ke tengiyê der o Dûzgin bawa cî re embaz bo. Na har de ma bekes me verado. Az û ûze ma na harde de kem mewo. Ma feqîrê xo rê poşte bî derîme.”
Velî Yildiz, qiseye peyen de hîna va: “Ma verê Sêyîd Rizayî derî me, îyê ke be kefenû şîyê hewîyê xo, înû xo vî ra nêkemê. Îtîqatê ma de, na asma Gaxanî ya. Nîyaz pozemê, some çe zeyî, bare înû dame cî. Çi ke dame are, vila kerd mînetê ma, çîye xiravînî ye şero, aştî û rindiyê be ro.”
