DÎLOK – Berîcan Paksoy, derheqê birayê xo Mesut Paksoyî yo ke têkoşînê azadîye de dinyaya xo bedelnabi, dîyar kerd ke ê tutê babîyêkê kurd û dadîyêka tirke bîyî û va: “Qalkerdişê birayê min o pîl zaf zehmet o. O merdimêk wina bi ke her tim pawitoxê aştîye û têduştîya şaran bi. Mi her tim o semedê xo kerdêne mîsal û qadrê ey girewtêne; ez bi ey serberz a.”
Semedê merdimanê ke têkoşînê azadîye de tarîxê cîyayan de dinyaya xo bedelnayî, Kurdîstan û bajaranê Tirkîya de programê vîrardişî ameyî viraştiş. Zaf cayanê Kurdîstanî de, bi serkêşîya Komeleya Hetkarî, Paştdayîş, Yewîye û Kulturî yê semedê Keyeyanê ke Merdimê Xo Dergûşa Şaristanî de Vînî Kerdê (MEBYA-DER), Dîlok de programê vîrardişî pê ame. Fotografê merdimanê ke dinyaya xo bedelnayî û Rayberê Şarê Kurdî Abdullah Ocalanî salone de ameyî aliqnayene û vengê sloganan ê ‘şehîdî nêmirenê’ berz bî.
Waya Mesut Paksoyî (Aras Piling) ke yew ci ra merdimanê ke dinyaya xo bedelnabî yo, Berîcan Paksoy qîsey kerd û derheqê cuya birayê xo û prosesê aştîye de erjnayîş kerd.
‘Adetê şorişî de pîl bi’
Berîcan Paksoy wina va: “Qalkerdişê birayê mi zaf zehmet o. O her çîyê mi bi. Her çîyê mi girewt û berd. O her tim hetê yewîye ya şaran de bi, her tim aştîye waştêne û hetê kedkar û karkeran de bi. Mi her tim o mîsal girewt. Ez bi ey serberz a. Birayê mi zaf kitabî wendêne, cigêrayîş kerdêne. Ma mîyanê têkoşînî de ameyî dinya. Ma têkoşînê Kurdan zanayîne. Ma bi nê pîl bîyî. Ma adetêk wina ra ameyî. Birayê mi nê ra tesîr bi û tewrê têkoşînî bi. Bi cesaret hişmendîya ey hetê na dewa de bî.”
‘Ganî ma yewbînî verike bikerê’
Berîcan Paksoy eşkera kerde ke proseso ke Rayberê Şarê Kurdî Abdullah Ocalanî dayo destpêkerdiş ganî bi serkewo û wina veng da şarê kurdî û tirkî: “Na herre aştîye heq kena. Ma bi gonîya şehîdan ameyî na sewîya. Hêvîdar a sey keyeyanê Kurdan ê tirkî zî aştîye biwazê. Ma têduşt ê, ma way û bira yê. Ganî ma hişmendîya ke aştîye heq kenê de yewbînî verike bikerê.”
