DÊRSIM- Çalakîkera TJA Sabahat Tuncele Panelê “ Vizêrî ra ewro tekoşînê cinîyan û Dêrsimî qisey kerd û vat: “Prosesê Aştî û Komelê Demokratîkî seba ma presesê nefesgirewtîşî yo. Tekoşînê ma de termînêko newe dest pêkeno.”
“Festîvala Kultur û Xoza ya Munzurî ya 24. roja dîyine de bi sloganê ‘Seba Vîr û Cuya Azade; Ma xoza, zîwan, kultur û bawerîya xo rê wayîr vejîyenê’ merkezê Dêrsîmî de bi panelan dewam keno. Panelê bi sloganê ‘Vîzêrî ra ewro tekoşînê cinîyan û Dêrsim’ ame viraştene. Moderatorîyê panelê Hemsereka DEM Partî ya Dêrsimî Humeyra Tosun Yegîn kerd; aktîvîsta TJA’yî Sabahat Tuncel, rojnameger Kîbrîye Evren û rojnameger Nîlufer Aktaş sey qiseykerdoxan beşdar bîyî.
‘Elewîtîye tena yew sîstemê bawerîye nîyo’
Rojnameger Kîbrîye Evren; Sakîne Cansiz, Aysel Dogan, Zeynep Kinaci, Zarîfe, Besê û cinîyê ke tekoşînê cinîyan de cûya xo vînî kerda yad kerd û vat: ‘Dêrsim de talankerdişê xoza esto; tîya de yew kultur virazîyo ke tede kulturê cinîyan serdest o. Tîya de, tewr verê kulturê cinîyan; bawerî û cuye de xoverdayîşê cinîyan yeno vîrî merdimî. Her çiqas kulturî matrîarkale raştê asîmîlasyonî ameyo zî reyna hetanî ewro ameyo.meya. Elewîtîye, tena yew sîstemê bawerîye nîyo; o hafizayêka hempar, nasnameyêka hempar û îfedayêko tarîxî yo. Tarîxî ra heta ewro
her tim raştê hêrişî ameyo; dewrê verê Osmanîyan, dewrê Osmanîya û dewrê Komare hîrê dewran de zî raştê hêrişan ameyo. Vatişê “yew ziwan, yew dîn û milet” ke dewrê komare de dest pêkerdo û ewro zî dewam keno. Yew proses ame dest pêkerdiş; no prosesî de hewildayîşê yew sîstemî ke heme şarî xo tede û seyyewbîbî vînî yeno awankerdiş.”
‘Tekoşînê ma newe dest pêkeno’
Çalakgera TJA’yî Sabahat Tuncele zî, vere ke dest bi qiseykerdişî bikero, Gulîstan Doku, Rojwelat Kizmaz û Rojîn Kabaîşe ke ameyê qetilkerdiş yad ker û wina vat: “Ma zanê ke tekoşînê cinîyanê elewîyan esto. Eke HZ. Zeynebe bade qirkerdişê Kerbelaye, raştî nêvatibêni, ewro ma heqîqatî nêzanêni. Înan waştênê ke Ocagê Mumyarî xo ya girêbidê, la waya Ayşe xo ver dana û dima ra hetê Osmanîyan ra yena girewtene. No mîrasê xoverdayîşî ma ano têhet. Wa Dêrsim reyna vatişê xo vajo, tîya ra Aysel Dogan, Sakîne Cansiz vejîyê. Nika prosese Aştî û Komelê Demokratîk dewam keno. Prosesê Aştî û Komelê Demokratîk seba ma nefesgirewtiş o. Tekoşînê ma de termînêko newe dest pêkeno.”
Panel bi persan û cewaban qedîya.
