Festîvala Kultur û Xoza ya Munzurî ya 24. roja 4. programê şanî de xeylê hunermendî vejîyaye sehneyî ser û Hemsereka Pêroyî ya DEM Partî Tulay Hatîmogullari program de qisey kerd û vat: “Dêrsim de asîmîlasyonê dewlete vizêrî ra heta na rojê dewam keno. Zereyê cumhurîyetî de kam ke îtîqadê xo çitûr ramneno wa biramno.”
Festîvala Kultur û Xoza ya Munzurî ya 24. roja 4.de Siheng de bi konser devam kerd. Konsere de Xeylê Hunermendan kilamane xo vatî. Şarê Dêrsimî goş da kilaman û kaykerd. Konsero ke bi hezaran kesî tede ca girewt. Programê konserî de nê hunermendî, Mikaîl Aslan, Erdogan Emîr, Grûp Munzur û Tara Mamedova vejîyayê sehneyî ser. Hemsereka Pêroyî ya DEM Partî Tulay Hatîmogullari zî tewrê programî bi û qisey kerd.
Aştîye bêra perûnere rindîye ana’
Tulay Hatîmogullarî qiseykerdîşe xo de wina vat: ”Asîmîlasyonê dewlet vizêrî ra heta na roje Dêrsim de nêqedîya yo. Ma itiqat û kulturê xo rê wayîr vejîme. Nika newe ra wazene ke raye ma bibirnê. Qetlîam ra tepa bi polîtîkayêka newe reyna kare xo kenê. Seba qome Dêrsimî ceng ra tepa çîyî xirabî kenê werte. Tena Gulîstan Doku ney zaf kesî Cinî û çenekî amey kiştene. Walî û sazgehê dewlete pîya gureyene. Aye ke 4 gulane Dêrsim de hete dewlet de caye xo gêne, înû ra nêvane pîrê Elewî. Şare Elewî wazenê bi pere biroşê. Qirkerdişê Elewî û xoza pîya kenê. Zaf cayê koyê Munzurî rote. Kemer, kemere ser de neverdenê. Welate Dêrsîm bîndestîye de ro.”
‘Wext wextê paştî dayene yo’
Tulay Hatîmogullarî qiseykerdîşe xo wina qedêna: “Tarîxe Dêrsimî zaf muhîm o. şima domane nê tarîxî yê. Verê cû bi top û tifingan dewî veşnayene, dewam ra teber kerdene, zordarî kerdene, nika dizdenî kene. Komel perûne pîya qam berzîme. Hîn ke nêbî, benê bêquwet. 50î serran veşanîye de manenê. Aştîye kî bero, perûne re rindîye ano. Aştîye kî ame, aye ke seba sîyaset Dêrsim ra şîye teber yenê welate xo, kewenê mîyanê sîyasetî. Dêrsim de qeyûm nêvazeme.”
Programê festîvalî ya roja 4. bi deyîranê hunermendan û girewtişê govende qedîya.
