Vizêr şandî ra yo Farqîn de varan vareno û rîyê varanî ra laser werişt. Laser de tayê awanî binê awe de mendê û zerarê madî bîyê.
Qezaya Farqînî ya Amedî de rîyê varayîşê varanê vêşî ra laser werişte. Taxa Selahattîn a qeza de rîyê laserî ra çend awanî binê awe de mendê. Cehde û kuçeyanê qeza ser o zî golê awe virazîyayê.
Dimayê agahdarkerdişî ekîbê şaredarî şîyê cayê hedîse û awa ke kewtbî awanîyan veng kerd û rayîrî pak kerdê. Herêma ka laser werişta, uca de xebatî dewam kenê.
