Komelnaso Îranij Farhad Xosrokhavarî bi mesajêk paştî daye Vengdayîşê Aştî û Komelê Demokratîk ê Rayberê Şarê Kurdî Abdullah Ocalanî û vat: “Vengdayîşê Abdullah Ocalanî eşkeno girêka Rojhelatê Mîyanênî akero û sînoranê viraşteyan bêfonksîyon bikero.”
Komelnaso Îranij Farhad Xosrokhavarî derheqê Vengdayîşê Aştî û Komelê Demokratîk ê Rayberê Şarê Kurdî Abdullah Ocalanî de ke 27ê sibate de ame kerdene, Partîya Têduştî û Demokrasî ya Şaran (DEM Partî) rê mesajê erşawit. Ferhad Xosrokhavar mesajê xo de dîyar kerd ke vengdayîşê Rayberê Şarê Kurdî Abdullah Ocalanî reyde hempeymanîyêka kurd-tirk û erebî eşkeno girêka Rojhelatê Mîyanênî çareser bikero û sînoranê viraşteyan bêfonksîyon bikero.”
Ferhad Xosrokhavarî mesajê xo de dîyar kerd ke Tirkîya prosesêko tarîxî de ya û vat: “Mesajê Rayber Apoyî rayîrêko dîyalektîk vernîya cuya pîya de akeno. Ez heta peynî piştgirî dana vengdayîşê Abdullah Ocalanî ke rayîrê azadîya neteweyî ya aştîyane akeno. Hempeymanîyêka kurd-tirk û ereb ke do rewşa bêçare ya Rojhelatê Mîyanênî orte ra wedarna û sînoranê viraşteyan bêyî ke parçebîyayîşanê neweyan bikero, bêfonksîyon bikero.”
Ferhad Xosrokhavarî vat: “Ma qonaxêko muhîm de yê. Ez hêvî kena ke aştî serkewa.”
