Endamê Komeleya Ekolojîyî ya Amedî Necdet Sezgîn derheqê awankerdişê Meclîsê Ekolojîyî yê Amedî dîyar kerd ke înan vera talankerdişê xozaye de Meclîs awan kerd.
Xeylî ekolojist û sazîyanê ekolojîyî 15ê Hezîrane Salona Konferansî ya Tahîr Elçî ya Amedî de bi şiara “Hişmendîya ekolojîkî, îdelojîya sereke ya hişmendî ya” Meclîsê Ekolojîyî yê Amedî îlan kerd.
Endamê Komeleya Ekolojîyî ya Amedî Necdet Sezgîn Ajansê Welatî rê qisey kerd.
‘Ekolojîstan meclîs awan kerd’
Endamê Komeleya Ekolojîyî ya Amedî Necdet Sezgîn dîyar kerd ke Meclîsê Ekolojîyî verê zî estbî la demêko derg kar û xebate ameybî vindernayîş û wina va: “Ma nêzdî 7-9 aşman hedrayîya meclîsî kerd. Xeylî sazî, dezgeh û roşnvîrî kom bîyî. Kesê ke wazenî verê qirkerdişê xozaye bigê ewta de ca girewtî. Ma pîya xeylî kombîyayîş viraştî, ma hewceyî bi meclîsêkî dîy û ma meclîs awan kerd. Amed, Kurdistan û pêroyîya Tirkîya de talankerdiş, wêrankerdiş û qirkerdişê xozaye bi awayêko hovane domyeno. La verba na yewe nêzdîbîyayîşêkê ekolojîstan ê hembar çin o. Vera talankerdişê xozaye têkoşîn zaf qels bî. Ma bawer î ke no meclis bibo numûne. Ma hêvî kenî ke şaristananê bîn zî meclîsanê ekolojîyî bêrê awankerdiş. No zî bibo semede Konfederalîzmê Meclîsê Ekolojîyan.”
‘Xoza talan kenê’
Necdet Sezgîn destnîşan kerd ke verê şerî zî şîrketanê bazirganîye xoza talan kerdêne û wina qedîna: “Bi destê kargehanê pîşesazîye xoza yeno talankerdiş. Şero ke herême de aver şono zî her roje talankerdêne û qirkerdina xoza bi awayêko hovane domyeno. Ma wazenî Kurdistan, Tirkîya û heme dinya de aştîyêka mende pê bêra.”
