Hunermend Nevzat Ozkiliç dîyar kerd ke bi xisûsî zî besteyê ey est ê la o heme eşkera nêkerdo, o do demê nêzdî ra eşkera bikero.
Şaristanê herêma Amedî de deyîrbazê kirmanckî zaf kemîyî. Demê keyenî de deyîrê kirmanckî zafî bî. La seba ke wendiş û nuştiş çinê bo heme çî vînî benê. Deyîrbazî kulturê kurdan de zaf yew cayê muhîmî tepîşeno. Deyîrbazî de her çiqas nuştiş û qeydkerdiş çinê bo zî, ancî zî goştarişê vengî ra vinî nêbîyo. Ewro Amed de Komela Dîcle Firat est a û komela deyîrbazan esta. Nê cayê kulturî hetê şarî ra zaf raxbet veynenê. Çiheyfo ke nê deyîrbazan mîyanî de deyîrê kirmanckî çinîyê. La mixabin deyîrbazê ma her wex hetê îmkanê debarî ra gazincê xo kenê û vanê ganî sazîyê ma, mara wayîr bivejîyê û ma weş xebata xo bikerê.
Deyîrbazêke kirmanc Nevzat Ozkiliç deyîrê kirmanckî ser o ajansê ma rê qalî kerdî.
Nevzat Ozkiliçî va ke o babê kalandê xora û maya xora deyîrê kirmanckî bander bîya û wina va: “No hîris serrîya ke ez deyîranê kirmanckî vana. Ez bi herêma Amedî, qezaya Çewlîge ra la ez deyîranê pîranî, Hênî, Sivêreke, Gimgime ra û der û dormeyî Amedî ra deyîran vana.”
Keyeyan de ziwanê dayike bêyro qalîkerdiş
Nevzat Ozkiliç bal ant ser rewşa kirmanckîye û wina domna: “Bi xisûsî zî besteyê mi zî est î la mi heme eşkera nêkerdî, ez do demê nizîdî ra eşkera bikero. Seba ke ez debara xo bikero ray ray baran de restorante de û dawetan de deyranê tirkî kurmancî û kirmanckî vana. La deyîrê kirmanckî mirê hîna zaf qîymetlî yê, kirmanckî hem ziwanê dayika min o û him zî yeno vindîbîyîşi. Ganî keyeyan de şar gedeyan xo de kirdkî qalî biker o, na zî zawanê lehçeye kirmanckîyê qedîm yeno vinîbîyîş. Ez bi xo zî keyeyê xo de gedanê xora kirmanckî qalî nêkeno. No tewir zî zaf çîyo şaş o. Yew kinar ra dewlete ma ser asîmlasîyone virazena û kinaro bînra zî ma xo bi xo asîmîle kenê. Vatişê min o peynî ez vano wa her kes gedeyanê xo de kirdkî qalî bikero û kirdkî vindî nêbo.”
