Roniştişê ewil ê dewaya deyîrbaz Pinar Aydinlare de ke çarçewaya cipersayîşê vera HDK’yî de ameybî girewtene, qerarê tehlîyeyî ame dayene.
Roniştişê ewil ê dewaya deyîrbaz Pinar Aydinlare de ke çarçewaya cipersayîşê vera Kongreya Demokratîke ya Şaran (HDK) de ameybî girewtene, bi îdiayanê “endamtîya rêxistine” û “propagandaya rêxistine” yena muhakemekerdene, Mehkemaya Cezayanê Giranan a 13. a Edlîyeya Çaglayana Stenbolî de ameye kerdene. Pinar Aydinlare û avûkatê aye roniştişî de amade bîyê. Reyna Hemverfekê HDK’yî Alî Kenanoglu û xeylê sîyasetmedar, roşnvîr û pawitoxê heqê merdiman zî dewa taqîb kerde. Roniştiş bi tespîtkerdişê nasnameyan dest pêkerd.
Pinar Aydinlar pawitişê xo kerd û sucê serê xo de red kerdê û waşt bêra tehlîyekerdene û beratkerdene.
Dima zî dozgerîye mutalaya xo daye dadger û waşt Pinar Aydinlare bêra veradayene.
Avûkat Murat Aksak zî pawitişê xo kerd û waşt miwekîla ey bêra veradayene û beratkerdene.
Mehkema zî pawitişan ra pey qerarê tehlîyeyî seba Pinar Aydinlare da. Reyna mehkema qerarê tedbîrê konrolê edlî da û seba mutala bêra amadekerdene, roniştişê dewa taloqê 11ê êlule kerd.
