Serekê MHP’yî yê Pêroyî Devlet Bahçelî qerarê PKK’yî ser o eşkerayîyêk daye û vat: “Ez spasîya rayberê awankerdoxê PKK’yî û DEM Partî kena.”
Serekê MHP’yî yê Pêroyî Devlet Bahçelî derheqê qerarê fesihkerdişê PKK’yî de eşkerayîyêk vila kerde. Devlet Bahçelî dîyar kerd ke toximê aştî ame eşetene û gulî abîyê.
Bahçelî wina vat: “Toximê aştî ke bi kede, sebir û fedakarîyê heme cayê Tirkîya de ameyê eştene, bi hêvî ameyê awdayene, encam de şax û pelî vetî û gul akerdê. Ez spasîya rayberê awankerdoxê PKK’yî Abdullah Ocalan, Heyetê Îmraliyî, hemserekê DEM Partîyî, rayber û parlamenteranê DEM Partî kena.
Heta ewro zehmetîyî ke ameyê antene, belayî ke ameyê vînayene, gonîya pake ya şehîdan ke ameyê rişnayene, sey adir kewtba zerrîya neteweyî zî, tu prosesê şikîyyaîşo sîyasî û komelkî yo ke bieşko yewîye û birayîya ma ya neteweyî orte ra wedarno yan zî zerar bido, nêqewimîyayo.”
