Seba serrgêra qerarê fermî yê Terteleyê Dêrsimî ke 4ê Gulane 1937î de amebî girewtene û dima ra zî qetlîam ame kerdene, Qomê Dêrsimî yadkerdişê înan ser o Gola Çetu de ame pêser, çîlayî vesnayê, gulbang da.
Hemserekê Pêroyî yê DAD’î Mercan Gul û Zeynel Kete, Hemserekê Konfederasyonê Elewîyan ê Ewropa Huseyin Mat, Serokê Pêroyî yê Komela Kulturî ya Pir Sultan Abdal Cuma Erçe, Hemşaredarê Dêrsimî Bîrsen Orhan û Cevdet Konak, Parlamentera DEM Partî ya Dêrsimî Ayten Kordu, Hemserekê Platformê Ked û Demokrasî Ozcan Ateş û xeylê welatîjî ameyê pêser. Hemserekê Pêroyî yê DAD’î Zeynel Kete û Serokê Pêroyî yê Komela Kulturî ya Pir Sultan Abdal Cuma Erçe qisey kerd.
‘Qirkerdîşî welatê ma de nêqedîyenê’
Hemserekê Pêroyî yê DAD’î Zeynel Kete, qisey kerd û wina vat: “100 serrî yo ke dewlete sarê ma qir kena. Qirkerdîşe Dêrsimî ra pey, cinîyê welatê ma berdê Elazîz, verê Pasayî. Vatene ke, nîyê ke ma ardî asîmîle bîkerê. Tepa welatê ma de êekteb û camî virazenê ke ma kulturê xo ra dûrî vînderîme. Qeyûm ame, şaredarî mara girewt, rizayê ma çin o. Welatê hardê Dewrêşî de raye ma kes bese nêkeno bivirno.”
‘Dêrsim de sefer bîyo zafer nêbîyo’
Serekê Pêroyî yê Komela Kulturî ya Pir Sultan Abdal Cuma Erçeyî qisey kerd û wina wat: “Ma ser de qirkerdîş hema nêqedîyo. Sima hesabê Zîlan û Qoçgîrî, Dêrsim nêda. Kam ke le dewlete de vindeno, ma rê nîyo. Hukmat, wazeno ke sarê elewî asîmîle bikero.”
