Ame zanayene ke şewe qelbê rojnameger Huseyîn Aykolî ke beşê ewnîyayîşê awarte de yeno dermankerdene, vinderto û mudaxele ra pey reyna qelbê ey şuxulîyayo.
Rojnameger û nuştox Huseyîn Aykol 14ê teşrîna verêne ke keyeyê xo yê Anqara de, gonî şîbî mezgê ey û ey hewanabi Nêweşxaneyê Perwerde û Cigêrayîşî yê Sîncanî. Nêweşxane de zî reyna gonî şîbî mezgê ey û a roje ra yo beşê ewnîyayîşê awarte de yeno dermankerdene. Huseyîn Aykol demo ke ameyêne dermankerdene enfeksîyon girewt û dermankerdişê Aykolî dewam keno. La rewşa ey a krîtîke yanî xeternake dewam kena.
Ame zanayene ke şewe qelbê Aykolî vinderto û mudaxele ra pey qelbê ey reyna dayo piro yanî şuxulîyayo.
Ame dîyarkerdene ke seba ke qelbê Aykolî bi hewayêko asan bixebitîyo, dermankerdişê ey dewam keno.
Rewşa weşîya Huseyîn Aykolî de tehluke dewam keno.
