Wexto ke Komîteya Wezîran a Konseya Ewropa derheqê ‘heqê hêvîye’ de seba Rayberê Şarê Kurdî Abdullah Ocalanî dabi Tirkîya 3 aşman ra dima êlula 2025î de do biqedo.
PKK’yî bira xofeshkerdişî daye la hema zî dewlete gamêka zelale nêeşte. Paketa Hukmî ya 10ine zî cewab nêda pawitişan. Derheqê sereraştkerdişê şert û mercanê azadîya Rayberê Şarê Kurdî Abdullah Ocalanî de zî gamêka zelale nêerzîyaye.
Komîteya Wezîran a Konseya Ewropa (KWKE) bire dabî ke seba Ocalanî ke 25 serran ra zêdeyêr o zîndan de yo, heqê hêvîye bêro caardene û seba ney wext dabi Tirkîya. Wext 3 mengan ra dima êlula 2025î de do biqedo.
Serekê MHP’yî Devlet Bahçelîyî de 22yê teşrîna verêne yê 2024î de kombîyayîşê partîya xo de qalê heqê hêvîye kerdibi û vatibi: “Eke qerardarîye bêra mojnayene ganî derheqê ‘heqê hêvîye’ de sereraştkerdişê qanûnî bêrê kerdene.”
KWKE bira Rayberê Şarê Kurdî Abdullah Ocalanî 18ê adara 2014î de bira heqê hêvîye ya Mehkemeya Heqanê Merdiman a Ewropa (MHME) ercnabî û bire dabî ke heqê hêvîye hetê Tirkîya ra seba Hayatî Kaytan û Emîn Gurban û Civan Boltanî bêro caardene.
KWKE 17-18ê êlula 2024î de bire dabî ke wa heta êlula 2025î Tirkîya derheqê heqê hêvîye de sereraştkerdişê qanûnî bikera.
