Komîsyonê Ziwan, Kultur û Hunerî yê DEM Partî vera hêrişê Kovara LeMane bertek nîşan da û dîyar kerd ke hêrişo ke verba Kovara LeMane û rayberanê aye ameyo kerdene, nêyeno qebulkerdene.
Îqtîdarê AKP’yî hetêk ra vatişanê ‘demokratîkbîyayîşî’ keno, hetêk ra zî hêriş û teda çapemenî ser o keno. Na aşme de zî hewna heqê rojnamegeran ameyê binpaykerdiş. Hêrişo ke verba Kovara LeManî ame kerdene zî berdewamîya nê hêrişanê sîstematîkî ya. No hêriş Komîsyonê Ziwan, Kultur û Hunerî yê DEM Partî bertek nîşan da û hesabê xo yê X’î mesajêk pare kerd.
Mesaj wina yo:
“Hêrişo ke verba Kovara LeMane û rayberanê aye ameyo kerdene, nêyeno qebulkerdene. Helbet ma bêhurmetîya tu rûmetanê dînî qebul nêkenê. Labelê seba karîkaturê mewzûbehsî kovare beyanatê xo eşkera kerd. Nê eşkerekerdişî ser ra zî pratîkê cezadayîşê azadîya fikr û îfadeyî de ameyê kerdene, ma sey sucê nefretî û tehdîtê verba heqê cuye vînenê. Ma qebul nêkenê.”
